De Regime Matrimonii Disparis

Scheepers Joachim “Analecta Gregoriana” 145 1964, pp. XII-188.

Praesenti in dissertatione sermo est de matrimonio partem baptizatam inter et partem non baptizatam, seu de matrimonio cum disparitate cultus innuendo, seu, breviter, de matrimonio dispari. Non omnia quae hoc matrimonium dispar respiciunt heic perpenduntur, sed tantum ea quae capita praecipua et essentialia ad eiusdem regimen quod attinet constituunt. Quod praesertim intendimus est, inquirere a net quo sensu matrimonium dispar in fieri societatis tum ecclesiasticae cum civilis iurisdictioni obnoxium sit. Agitur proinde praesertim de matrimonii disparis impedimentis ac forma servanda necnon de quaestionibus hiscum cohaerentibus, dum praecidimus quaestiones circa conditiones et effectus mere civiles, et in genere circa omnia quae ad matrimonium dispar in facto esse, uti aiunt, referuntur.